Fyrsti SAFFRAN staðurinn í Bandaríkjunum var opnaður í Orlando í ágúst.  Viðtökur hafa verið mjög góðar og íslendingar sem þekkja til SAFFRAN á Íslandi eru sammála um að maturinn er ekki síðri, staðurinn mjög flottur og þjónustan frábær. 

Orlando búar eru smám saman að taka við sér og heimsækja okkur.  Alveg eins og á Íslandi, þá koma þeir nánast undantekningalaust aftur og aftur þegar þeir eru komnir á bragðið!  Oft sést til fólks vera að taka myndir af réttunum, sem þykja glæsilega framreiddir, sérstaklega þegar haft er í huga að um er að ræða skyndibitastað eða “Fast Casual” eins og flokkurinn sem við erum í er kallaður.

Við höfum fengið frábæra dóma og fengum meira að segja FJÓRAR STJÖRNUR í okkar flokki frá einum helsta matargagnrýnanda í Orlando, Heather McPherson, sem starfar hjá stærsta dagblaðinu á svæðinu “The Orlando Sentinel”.  Fleiri blöð hafa skrifað mjög skemmtilegar greinar um okkur þ.á.m. MyCityEats magazine sem einnig valdi SAFFRAN “Best newcomer restaurant” aðeins 6 vikum eftir að við opnuðum! Lesa meira. 

Á veitingastöðum SAFFRAN í Glæsibæ og á Dalvegi er vetraropnunartími í gildi frá 1. október:

• Sunnudaga – er opið kl. 12-21.
• Mánudaga og þriðjudaga er opið kl. 11-21.
• Miðvikudaga – laugardaga er opið kl. 11-22.

Á veitingastaðnum SAFFRAN EXPRESS á N1 í Ártúnsbrekkunni er vetraropnunartími í gildi frá 1. október:

• Opið alla daga á SAFFRAN EXPRESS kl. 11-22.

Við erum stollt af því að kynna nýja heimasíðu SAFFRAN.  Nú er hægt að sjá myndir af nánast öllum réttunum okkar á síðunni, bæði réttum á matseðli SAFFRAN veitingastaðanna og einnig á SAFFRAN EXPRESS matseðlinum.

Einnig höfum við bætt við nánari upplýsingum um staðsetningu staðanna til að auðvelda öllum að finna okkur og upplýsingar um Veisluþjónustuna eru auðvitað á sínum stað.

Upplýsingar um rétt og böku vikunnar og súpu dagsins verða framvegis aðgengilegar á Facebook síðu SAFFRAN.

Í dag opnar SAFFRAN fyrsta veitingastað sinn erlendis.  Staðurinn er í Orlando á 1700 Sand Lake Road rétt hjá Florida Mall, sem margir íslendingar kannast vel við.

SAFFRAN Orlando er byggður í samræmi við staðina á Íslandi og ber útlitið það með sér.  Einnig má sjá greinilega íslenska tengingu á staðnum.

Sömu frábæru réttirnir eru í boði með smá tilbrigðum til að nýta sem mest hráefni úr nágrenninu.  Sjá nánari upplýsingar um SAFFRAN Orlando á www.saffran.us

SAFFRAN hefur opnað þriðja staðinn á höfuðborgarsvæðinu: SAFFRAN EXPRESS á N1 í Ártúnsbrekkunni.  SAFFRAN EXPRESS er með aðeins öðru sniði en aðrir staðir SAFFRAN.  Áherslan, eins og nafnið gefur til kynna, er hröð þjónusta án þess þó að það komi niður á gæðum og ljúffengu bragði, þannig að SAFFRAN EXPRESS matseðillinn er einfaldari.

“Veisla er ekki sama og sukk” er yfirskrift greinar í Fréttablaðinu fimmtudaginn 10. mars 2011 þar sem Haukur Víðisson, framkvæmdastjóri SAFFRAN, útskýrir hvernig hægt er að halda veislu með gómsætum, ferskum og hollum veitingum sem kitla bragðlaukana án þess að majones, rjómi, hvítt hveiti og hvítur sykur komi þar nálægt.  Nánari upplýsingar um veisluþjónustu SAFFRAN.

Matvæla-og næringarfræðafélag Íslands hefur veitt verðlaun fyrir lofsvert framtak á matvælasviði árlega frá árinu 1993 á Matvæladegi MNÍ.  Verðlaunagripurinn er íslenskt glerlistaverk sem táknar Fjöreggið og eru verðlaunin veitt með stuðningi frá Samtökum iðnaðarins.

MNÍ barst fjöldi ábendinga um verðuga verðlaunahafa.  Þeir fimm sem hlutu tilnefningu að þessu sinni eru:

• Fjörostur
• Lýsi hf.
• Matvælaskólinn hjá Sýni
• SAFFRAN veitingastaðir
• Ólafur Reykdal fyrir rannsóknir á íslensku byggi

Það er mikill heiður fyrir SAFFRAN að vera í þessum góða hópi tilnefndra aðila og er það viðurkenning á framlagi SAFFRAN til eflingar heilsu fólks með því að bjóða hollan, gómsætan og ferskan skyndibita á hagstæðu verði.

Á myndinni má sjá fulltrúa þeirra sem hlutu tilnefningu ásamt dómurum.  Fjöreggið hlaut Ólafur Reykdal.